പോയിന്റ് നില ഉയർത്താൻ ബാഴ്സ ഇന്ന് കളത്തിലിറങ്ങുന്നു

ലാലിഗയിൽ ഇന്ന് എഫ്.സി ബാഴ്‌സലോണ റിയൽ വല്ലഡോലിഡിനെ നേരിടുകയാണ്. ഇന്ന് രാത്രി ഇന്ത്യൻ സമയം 2:30 നാണ് ഈ മത്സരം നടക്കുന്നത്. റിയൽ വല്ലഡോളിഡിന്റെ മൈതാനത്താണ് മത്സരം അരങ്ങേറുക.

കഴിഞ്ഞ മത്സരത്തിൽ വലൻസിയയോട് സമനിലയിൽ പിരിഞ്ഞാണ് ബാഴ്സ ഇന്ന് കളത്തിലിറങ്ങുന്നത്. വലൻസിയയോട് വിജയിച്ചിരുന്നുവെങ്കിൽ ബാഴ്‌സലോണയ്ക്ക് പോയിന്റ് പട്ടികയിൽ ആദ്യ നാലിലേക്ക് ഉയരാനുള്ള അവസരം ഉണ്ടായിരുന്നു.

പോയിന്റ് പട്ടികയിൽ അഞ്ചാം സ്ഥാനത്താണ് ബാഴ്സലോണ ഇപ്പോൾ നിൽക്കുന്നത്. പതിമൂന്ന് മത്സരങ്ങളിൽ നിന്ന് 6 വിജയവും മൂന്ന് സമനിലയും നാല് തോൽവിയുമായി ഇരുപത്തിയൊന്ന് പോയിന്റോടെ അഞ്ചാം സ്ഥാനത്താണ് റൊണാൾഡ്‌ കൂമാന്റെ സംഘം നിൽക്കുന്നത്.

വല്ലഡോലി ടാകട്ടെ 18 ആം സ്ഥാനത്താണ് നിൽക്കുന്നത്. പതിനാല് മത്സരങ്ങളിൽ നിന്നും മൂന്ന് വിജയവും 5 സമനിലയും 6 തോൽവിയുമായി 16 പോയിന്റോടെ പതിനെട്ടാം സ്ഥാനത്താണ്.

തീർച്ചയായിട്ടും വിജയച്ച് കൊണ്ട് പോയിന്റ് നില മെച്ചപ്പെടുത്താനാണ് ലയണൽ മെസ്സിയുടെയും സംഘത്തിന്റെയും ലക്ഷ്യം.

ഈ മത്സരത്തിന്റെ മറ്റൊരു പ്രതേകത സൂപ്പർ താരം ലയണൽ മെസ്സി ഇപ്പോൾ ഒരു ക്ലബ്ബിന് വേണ്ടി ഗോൾ നേടിയതിൽ സാക്ഷാൽ പെലെക്കൊപ്പം എത്തി നിൽക്കുകയാണ്. 643 ഗോളുകളാണ് ഇരുവരും നേടിയിരിക്കുന്നത്. ഇന്നത്തെ മത്സരത്തിൽ ഗോളടിച്ചാൽ ആ റെക്കോർഡ് മെസ്സിയുടെ പേരിൽ കുറിക്കപ്പെടും.

ഈ മത്സരത്തിനുള്ള ബാഴ്സയുടെ സ്‌ക്വാഡ് പുറത്ത് വിട്ടിട്ടുണ്ട്. സൂപ്പർ താരങ്ങളായ ലയണൽ മെസ്സി, ഗ്രീസ്മാൻ, കുട്ടീഞ്ഞോ എന്നിവരെല്ലാം സ്‌ക്വാഡിൽ ഉണ്ട്.

ബാഴ്സലോണ സ്‌ക്വാഡ്:

ടെർ സ്റ്റീഗൻ, ഡെസ്റ്റ്, അറോഹോ, സെർജിയോ, അലേന, ഗ്രീസ്മാൻ, യാനിച്ച്, ബ്രാത്വെയിറ്റ്, മെസ്സി, റിക്കി പുഗി, നെറ്റോ, കുട്ടീഞ്ഞോ, ലെങ്ലെറ്റ്, പെഡ്രി, ട്രിൻഗാവോ, ജോർഡി ആൽബ, ഡി ജോങ്, ഉമ്മിറ്റിറ്റി, ജൂനിയർ ഫിർപ്പോ, ഇനാക്കി പെന